جمعنا هنا أكتر الأسئلة اللي بتوصلنا. لو سؤالك مش موجود، كلمينا على واتساب من الزرار اللي في الصفحة وهنرد عليكي.
إزاي أطلب؟
اختاري الموديل واللون والمقاس، واضغطي "شراء الآن" أو "إضافة إلى سلة التسوق"، وبعدين اكتبي اسمك وعنوانك ورقم موبايلك في صفحة الدفع. مش محتاجة تعملي حساب.
إيه طرق الدفع؟
الدفع كاش عند الاستلام.
الشحن بكام وبياخد قد إيه؟
بنشحن لكل المحافظات، وسعر الشحن بيظهر في صفحة الدفع حسب محافظتك:
- القاهرة والجيزة: 80 ج.م، التوصيل خلال 24 ساعة
- الإسكندرية ومدن القناة: 85 ج.م
- الدلتا: 90 ج.م
- الصعيد: 100 ج.م
- مطروح والبحر الأحمر: 110 ج.م
- جنوب سيناء: 125 ج.م
- شمال سيناء والوادي الجديد: 130 ج.م
خارج القاهرة والجيزة التوصيل خلال 24 – 48 ساعة.
المقاسات المتاحة إيه؟
المقاسات بتختلف حسب الموديل ومكتوبة في صفحة كل منتج: الفساتين والبديهات من L لحد 5XL، وفي بناطيل بمقاسات من 32 لحد 48. لو محتارة بين مقاسين ابعتيلنا وزنك وطولك على واتساب ونساعدك تختاري.
الخامات إيه؟
بنشتغل على دربى (ريب ليكرا)، وقطن ليكرا، وسى واى، واسكوبا. خامة كل موديل مكتوبة في اسمه ووصفه.
لو المقاس مش مظبوط أقدر أستبدل؟
أيوه، الاستبدال والاسترجاع متاحين. الشروط والمدة موجودة في سياسة الاستبدال والاسترجاع.
لو اشتريت أكتر من قطعة فيه خصم؟
أيوه: 5% على قطعتين، و10% على 3 قطع، و15% على 5 قطع. الخصم بيتطبق أوتوماتيك في السلة، وتقدري تخلطي أي موديلات وألوان ومقاسات.
أتابع طلبي إزاي؟
كلمينا على واتساب برقم الأوردر وهنقولك طلبك وصل لحد فين.